Igin-intriga ni Congresswoman Maria Fe Abunda, han Lone District han Eastern Samar kaupod hi Domcillo Natividad III, Assistant District Engineer han Eastern Samar ngada kan City Mayor Jose Ivan Dayan Agda, an Multi Purpose Evacuation Building nga nahimumutang ha Motorpool, Brgy. Campesao, kakulop nga adlaw, Hunyo 20.
Ginbendisyunan naman ni Msgr. Pedro Quitorio III, han Diocese of Borongan, an nasabi nga seremonya.
An nasabi nga proyekto in pinondohan pinaage han opisina ni Congresswoman Abunda nga igin-implementar han Department of Public Works and Highways (DPWH) Regional Office.
“It akon masusugad hit mga Boronganon it importante magburubleg kita, although bisan kun hi Congw. Abunda in dire na Mayor, yaanhe gadla gihap it akon kasing-kasing kay Boronganon maak, kun ano pa tak dapat mahiambag nganhi ha Borongan, I will do it,” mensahe ni Congw. Abunda.
An nasabi nga proyekto in magigin evacuation center ha oras hin mga kalamidad sugad man magigin Sports Complex ug Physical Fitness Facility, an mga kwarto naman in pwede magamit hin mga aktibidad sugad han mga conferences ngan seminars kun waray na kalamidad.
Presente liwat hira Vice-Mayor Emman Tiu Sonco, SPM Glaiza Tiu, Kathlyn Jane Cainday, Anna Katrina Sadac ngan Lyra Gel Limbauan. Kaupod pa hira City Legal Officer Atty. Romeo Alexis Devora, City Cooperative Officer Jojito Acla, For. Marlon Ortiguesa, City Agriculturist Officer Macario Gabornes ngan Engr. Jaime Voces, City Disaster Risk Reduction Management Officer ngan Rupert Ambil III, OIC – City Information Office.
#FunBoronganon #BoronganonDisiplinadoAko
