Parte han pagsalin-urog han ika-9 nga Annual Arbor Day basi han Ordinance No. 119 series 2015, gindumara an Roadside Rehabilitation Tree Planting ha may bag-o nga dalan han Surok-San Andres, Borongan yana nga adlaw, July 27.
655 nga mga magkadirudilain nga indigenous forest trees sugad han Bagunito, Narra, ngan Kulipapa an gintanom han Bureau of Jail Management and Penology (BJMP), Coast Guard, City of Borongan Search and Rescue Team (COBSART) han City Disaster Risk Reduction & Management Office (CDRRMO), Maritime Police ngan Armed Forces of the Philippines (AFP) hin maaabot 2 kilometers nga kahalabaon han kalsada.
An nasabi nga aktibidad in pinangunahan han City Environment and Natural Resources ngan buwas nga adlaw, July 28, magkakamayada hin Arbor Day’s Environmental Forum and Oath Taking Ceremony of Deputized Environment and Natural Resources Officers ha SP Session Hall.
