Gin-imbitar ngahaw han Huwebes, Pebrero 24, pinaage hin “meeting” an mga kapitanes han Retooled Community Support Program (RCSP) Barangays kun diin hira an mga naukoy han sinusugad nga “timber land” ngan nasasakupan han Samar Island Natural Park o SINP, dinhe ha syudad han Borongan.
Sumala kan Daniel Andea, City Planning and Development Officer, panuyo han nasabi nga “meeting” nga hibaro an mga kapitanes ano an mga pagbubuhaton nira ngan maesplikaran an iya mga nasasakupan ug hibaro han mga rekisitos magkamay-ada han sinusugad nga “tenurial instrument” ngan ma isyuhan han Protected Area Community Based Resource Management Agreement (PACBRMA).
“Makaaru kita hin tukib nga kasayuran nga mapati-unan-o iresolba an land tenure, it tuna nga nasasakupan within SINP area, ngan anu an pwede pagbuhaton nga mabulegan it upland communities para ma facilitate hira han amon panuyo nga magkamayda tenurial instrument”, esplikar ni Andea.
Ginsumat pa ni Andea kun iton barangay area in timber land pero dire upod han SINP an “tenurial instrument” nga ihahatag in Community Forest Management Agreement o CBFMA. Usa pa nga form of tenurial instrument an sinusugad nga Certificate of Stewardship Contract diin dida ini han timber land nga gawas han SINP, an nasasakop naman ha SNIP nga area in sinusugad nga PACBRMA.
Nagin tagapagyakan naman hi Zenaida R. Baisa, Protected Area Superintendent han SNIP kun diin iya iginsumat ano an sinusugad nga “tenurial instrument”.
“An tenurial instrument in diri ini hya titulo, may-ada kamo pribelihiyo kumbaga nga an iyo gin-ukyan in i-develop niyo, i harvest whatever nga makukuha han SNIP claimants, an mga kumunidad nga inside SNIP asya i-isyuhan han PACBRMA”, paglaygay ni Baisa.