Themed party an panbakuna han Sta Fe Vaccination Site.
Party bags, popcorn, mga lobo nga nakadukot han lugar, pagkaon nga spaghetti ngan tinapay, an imo makikita pagsulod han Stafe Vaccination Site.
“Kami ay naghanda ng pagkain para sa mga bata, nag decorate din kami sa loob ng venue sabay bihis din ng mga nurses na parang mayroong party na gagawin, at ito nga maganda ang flow ng pagbakuna sa mga bata,” pahayag ni Dra. Bernadette Galacan, an Rural Health Physician han barangay.
Sumala kan Olive Abunda, Healthworker, antis pa an adlaw han panbakuna hira in nakapaglista na ha kada barangay tikang ha Barangay Bugas, Can-aga, Tamoso, Canjaway ngada ha San Saturnino.
Dida han pagbisita han site usa nga bata hi Sabrina Doligon, 9 anyos an edad, in nagpabakuna. Pulong niya, “Kagab-e hi ako in very excited nga mapabakuna ak. kinaturog ak hin agap. Kanina po sobra an akon kulba pero happy po ak kay yana protected na hit sakit kanan COVID-19.”
“Kadak-an mga pupils nga mayda na face-to-face han ira school an binulig han pagpabakuna kay dara usa ine han mga requirement para han ira pagsulod ha eskuylahan,” siring naman ni Ramona Cervales, usa nga school nurse.
Pinanagan naman an mga nabakunahan nga bata hin Paracetamol, Vitamin C ngan Cetirizine nga tikang ha City Pharmacy.
Ha kabug-usan, ginlalauman ni Dra. Galacan nga an 50 nga alokasyon nga bakuna in maubos diretso dara kay mayda pa mga kabataan nga interesado magpabakuna nga waray pakapagpalista.
Magpapadayon naman buwas, Marso 10, an panbakuna ha Sta. Fe vaccination site. Para han mga mayda pakiana, pwede makipagsumpayan ha Barangay Health Workers (BHWs) hiton tagsa-tagsa nga mga barangay.
#ResbakunaKids
