Gindumara yana nga adlaw, Nobyembre 10, in Sangguniang Kabataan (SK) Preparatory/Planning Meeting, ha ABC Hall, 3rd floor han City Hall Building.
An nasabi nga miting in patawag ni Maria Florlita Mocorro, City Local Government Operations Officer han Borongan City kaupod an Local Youth Development Office pinaagi kan Shayne Rizza Perla Basilga, Youth Development Officer 1 han CSWDO Borongan.
Sumala kan Mocorro, panuyo han nasabi nga katitirok nga pag-istoryahan an mga preparasyon ngan pagpaplano para han tipadaraon nga SK Federation Election ha syudad, mahinanabo hit Nobyembre 14.
Labot la han tipadaraon nga SK Federation Election, usa pa nga panuyo han katitirok nga masumatan an mga SK Chairperson ug ira mga SK kagawad para han SK Mandatory Training nga pagbubuhaton hit Nobyembre 13, usa nga rekisitos para hira makabulig han nasabi nga election nga makakadugang liwat ha ira mga hibabruan han ira ginkakaptan nga mandato.
Presente liwat hi Mayor Jose Ivan Dayan Agda nga naghatag han iya mensahe para han mga batan-on nga lider, “Dapat it iyo yana bubuhaton, the first thing you should do is to reach out, pagreach out kamo ngadto han wara bulig ha iyo, hi kamo it pag-extend hin hand, hin peace because kinahanglan niyo hin kooperasyon hit iyo community para it iyo administrasyon magin successful. You are now representing your barangay, you are now a government official, whether you like it or not, so you have the responsibility nga panginano hit interes ngan hit ikauupay hit kabataan”.
#BoronganonDisiplinadoAko
