Nakipagkita kakulop, Pebrero 18, 2022, pinaage hin “meeting” an mga opisyales han Person with Disabilities (PWDs) kan Mayor Jose Ivan Dayan Agda, gindumara ha Mayor’s Conference Room.
Ha pakipaghimangraw kan Mayor Agda han mga opisyales han nasabi nga opisina, pinangunahan ini ni PWD President Zenaida Magbago, iya igin-report nga may-ada na 720 nga membro han PWDs ha syudad ha pagkayana.
Ka bahin hine, ira igin-apelar an iginduduso nga ordinansa ni SPM Lyra Gel Limbauan, Chairman han Committee on Social Welfare, kun diin usa dinhe an proposal an sinusugad nga “cash aid” ha mga kwalipikado nga PWDs tikang pa han nakalabay nga tu-ig..
Sumala naman kan Mayor Agda, paniniguruhon niya nga mahi-implementar an paghatag hin ayuda nga nagkakantidad P250 kada bulan ngan posible na matikangan ha bulan han Hunyo 2022.
“Waray hine pinili, ma riko ma pobre, basta Boronganon ngan ungod hiya nga PWD”, dugang pa niya.
Nagin malipayon naman an mga nag-atender nga mga opisyales han maupay nga patapod ni Mayor Agda ha ira grupo, kay tuu pa nira, natagan na gihap hira hin pansin ngan puno hin paglaom nga patikang pala ini nga kalunggayanan nga makakarawat tikang ha LGU Borongan.
#DirektangAyuda
