Ginbuhat an initial nga adlaw han Waste Analysis and Characterization Study (E-WACS) ha Sanitary Landfill Compound nahimumutang ha Barangay Cabalagnan kun diin pinangunahan ni Vicky Mae Gavilan, Environmental Specialist II, ngan For. Edgar Peque, College of Agriculture and Natural Sciences han Eastern Samar State University (ESSU).
Sumala kan Gavilan, ini nga ginbubuhat nga E-WACS han City Environment and Natural Resources Office o CENRO, in kamanduan ni Mayor Jose Ivan Dayan C. Agda ha rason nga an LGU-Borongan in nag-aandam hin “baseline data” nga kun may-ada humatag hin mga hinabang para hin mga livelihood programs ha syudad in andam na makahatag han ginkikinahanglan nga mga datos han e-waste o mga basura tikang ha electronics.
Dugang pa niya ini nga E-WACS in “data gathering” kun diin kaulangan hibaruan kun anu nga klase nga mga e-waste an makokolekta kada pagbabasura, pira an kabug-at, ngan gaano kadamo an nahibabasura kada koleksyon ha siyudad.
Siring naman ni Peque, an ESSU liwat in kasugbong han CENRO pinaage hin pag-obserba han ginbubuhat nga E-WACS han nasabi nga opisina para makabulig han pangalap hin datos para e-waste tikang han kada balay ha syudad.
Sumala naman kan Rona Acyat, empleyado ha Sanitary Landfill Compound, “kada Lunes ngan Domingo nga adlaw an schedule han pagkolekta para han hazardous nga basura salit dida makikita an mga e-waste nga basura.”
Iginsumat pa ni Gavilan nga maabot 6 ka adlaw an ira pagbubuhaton nga data gathering han e-waste ha syudad pinaage hin pag-rupo ha Sanitary Compound Landfill kaupod an grupo ni Mr. Peque han ESSU.
#BoronganonDisiplinadoAko
