Usa nga parag-uma han Barangay Canyupay an nag-daog han grand prize nga Brand New Motorcycle (XRM blue) han ginbuhat nga “raffle draw” han syudad niyan han Pebrero 14, 2022.
Hi Jerry Padel Casarino, 28 anyos an edad, ngan usa nga parauma in nasurpresa han iya nadag-an nga premyo han paraffle.
“Salamat. Diri ngane ak maaram nga may-ada sugad hin hini nga raffle, ginsumatan manla ak han ak patod, diri ngane ak natuod nga nagdaog ak kay wara ko man ngane hini salasbutan,” siring ni Casarino.
Malipayon hi Casarino han iya natagamtam nga bag-o na motosiklo. Para haiya nga harayo iton inuukyan nga barangay, dako nga bulig an pagkamay-ada motor nga magagamit pan-transportasyon.
Dugang pa niya, an rason han iya pagpaturok han bakuna in para maprotehiran hiya hiton makaramatay nga kagaw o an COVID-19 virus labi na ngin nakadi hiya ha sawang.
An “Bakunado na, Panalo pa” raffle han LGU Borongan, in usa nga pamaagi hin pasasalamat han pagpakita hin kooperasyon han mga Boronganon nga matagamtaman an “herd immunity” ha siyudad, kun diin sumatutal 53,277 an ngatanan nga entries han nasabi nga raffle.
#BoronganonDisiplinadoAko #ResbakunaPH
