An ka-promote ha pagiging regular nga empleyado an pinakadako nga puwede maihatag ha usa nga contractual employee. Karuyag sidngon hine, mas damo na nga benepisyo iton makakarawat hiton usa nga regular nga empleyado.
Sanglit, malipayon hi Ma. Liza Lira Grezola, edad 42, nga siyam (9) na ka-tuig nga nag-casual employee ha Borongan City Hall, in yana regular na ha termino ni City Mayor Jose Ivan Dayan Agda. An iya karegular in pinaagi han iya waray kabutlawan nga pag serbisyo ug sakripisyo ha naglabay nga mga tuig ha magderudila-in nga opisina.
Usa ha mga inspirasyon ni Grezola han iya pera ka tuig nga pagserbisyo in kun paano hiya nakakabulig hiton ira mga cliente ha opisina han Assessors. Subay pa niya, “Masaya ak kapag it amon mga cliente ha Assessor’s Office nabaya with smile in their face, nakukuntento hit amon gin hahatag nga bulig,”.
Mensahe niya, dire pagtalumpiguson an pagiging casual employee, lugod, iya gin-aaghat nga magpadayon la hira ha pakipagbahin han kinaadman ha aton cyudad o hiton usa nga opisina.
Hi Grezola in usa la ha mga casual employees nga naregular ha termino ni Mayor Dayan Agda, pamatuod nga basta arisgado, mayda hingaradtuan.
