Kaparte han selebrasyon han World Bamboo Day nga ginseselebrar kada Septembre 18, nagkamay-ada hin paghag-id yana nga adlaw, Septembre 25, ginbuhat ha SP Session Hall, mahiunong han Roadmapping to Bamboo Industry Development Program para ha siyudad han Borongan partikular na an Hebacong Sea of Clouds and Nature Park.
Inatenderan ini ni VM Emmanuel Tiusonco, representante ni Mayor Jose Ivan Dayan Agda, representantes han DOST, DTI-Eastern Samar, CENRO-Borongan, Climate Resilient Cities (CRC) Project ngan ESSU Academe. Kabulig liwat an mga departamento han LGU-Borongan sugad han opisina ni SPM Zen Daza komo Committee Chairman on Environment and Climate Change, City Tourism Office, City Agriculturist Office, Project Management Office (PMO), City Planning and Development Office, PESO-Borongan, Borongan City Forest Rangers Association (BCFRA), City-ENRO ngan Punong Barangay Marcos Denoso han Barangay Hebacong.
Nagin tagapag-yakan han aktibidad hi For./EnP Edgar Peque, Program Head han Environmental Science Program, kun diin iya nayakan nga kun mahiduso an nasabi nga Bamboo Industry Development ha siyudad in magigin kauna-unahan an Borongan City ha Rehiyon 8 ngan magigin ‘reference’ han iba nga mga munisipyo pagdatong han Bamboo Development Program.
Iginsumat naman ni For. Jojito Acla, Acting Head han City-ENRO an presente nga sitwasyon han Bamboo Production ha siyudad.
Nagpahamtang naman hi Benjamin Panaguiton, DTI Senior Trade & Industry Dev’t Specialist, mahiunong han Basic Orientation on Bamboo Industry Program samtang iginlaygay naman ni EnP Marciano Cadalin an Formulation of Industry Dev’t. Plan.
Kasumpay han ginbuhat nga paghag-id ngan selebrasyon han World Bamboo Day, magbubuhat naman yana nga adlaw, Septembre 26 hin pananom hin mga kawayan ha Hebacong Sea of Clouds and Nature Park, nga papartisiparan han mga representante han opisina ha LGU-Borongan ngan mga ahensya sakop han siyudad.
#BoronganonDisiplinadoAko
