Komo pagkilala han ira kontribusyon ha pag-pa ursa han sosyedad, pormal nga gin-abrehan yana nga adlaw pinaagi hin haliputay nga programa ha lobby han City Hall, an “National Elderly Month.”
An siyahan nga adlaw han usa ka bulan nga pagkilala han balor han katigurangan in gin atenderan ni City Mayor Jose Ivan Dayan Agda, kanay mensahe in naghidabi han maupay nga sumat, mahiunong han umento han ira P250 Monthly Monetary Allowance ngadto hin P500 hiton masunod nga tuig 2022.
Igindugang pa niya nga gintatalinguha na han syudad nga mahi-implementar otro an “Libre Sakay” hit sunod nga tuig kun Senior Citizens, estudyante han highschool ug kolehiyo, mga Person with Disability o PWD ngan mga local tourists.
Gin hangyo pa ni Mayor Agda nga magkaurusa iton mga Boronganon hit ikauupay han syudad kay naangay hira hin de kalidad nga mga social services tikang hiton goberno, sugad nga gintitinguha para hit katawhan.
Sumala pa ka Analyn Cabalfin, Focal Person han Senior Citizens Affairs, nga isusunod hini nga programa han pag-abre, an kada Lunes nga virtual nga mga aktibidades.
Dida han programa, presente gihapon hira Mrs. Zenaida P. Rapada, Presidente han Office of the Senior Citizens Affairs, Ms. Verena P. Amoyo, CSWD Officer ngan SPM Lyra Gel Limbauan, Committee Chaiman on Social Welfare, sugad man han mga, OSCA Federated Presidents han Borongan City.
Sumala kan Analyn Cabalfin, Focal Person han Senior Citizens, kahuman han opening program nga gindumara yana nga adlaw in susundan hin mga virtual activity nga igsasalin-urog kada Lunes ngada hiton katapus hiton bulan han Oktubre.
An pagselebrar han National Elderly Month in naka-an angkla ha tema nga, “Mahalaga sila Lolo at Lola sa panahon ng pandemya“. # (SB)
#DukwagAgrikultura
#LibreMedisina
#BoronganonDisiplinadoAko
