Epektibo na yana nga bulan han Enero 2022 an pagtikang han kadugangan nga P250 nga “Monthly Monetary Allowance” para ha mga senior citizens.
Kun dati P250 la kada bulan an nakakarawat han mga senior citizens, yana in P500 na.
Sumala ine han amyenda nga nahipatik han Ordinance No. 210, Series of 2021, “AN ORDINANCE GRANTING MONETARY ALLOWANCE TO ELIGIBLE SENIOR CITIZENS IN THE CITY OF BORONGAN AND FOR OTHER PURPOSES, AS AMENDED” kun diin gin aprubahan ngan gin pirmahan ni Mayor Jose Ivan Dayan Agda han nakalabay nga Oktubre 2021.
An regular na panhatag hine nga monthly allowance in ika-6 ka bulan o semestre ha kada tu-ig, nga naka-schedule ha mga Barangay. Kun han una nga tu-ig, P1,500 kada semestre an ira kinakarawat, yana nga maabot nga Hunyo ma total na ini hin P3,000 suporta pinansyal ha kada usa nga senior citizen.
Usa hi Mrs. Nievez Sobreviga, edad 63 anyos, taga Barangay Maypangdan ha mga malipayon nga Senior Citizens hine nga maupay nga sumat hiunong han kadugangan nga suporta pinansiyal pinaagi han LGU.
“Maupay ko it kay damo it ak napapalit, nakakapalit ak hin bugas, nakakabayad ak hiton kuryente, ngan nabayad hit tubig.” pahayag ni Sobreviga.
Nahimugso ini nga pag-dugang han senior citizen’s allowance dara han paniguro ni Mayor Agda nga ginkaurusahan han Sangguniang Panlungsod ng Borongan ha pangunguna ni SPM Lyra Gel Agda Limbauan, nga Chairman han Committee on Social Welfare.
#DirektangAyuda
