Nagtapos yana nga adlaw, Marso 31 pinaage hin ‘culminating program’ an pagselebrar han National Women’s Month 2023 kun diin ginseselebrar ha bulan han Marso, gindumara ha maanyag ngan may presko nga hangin ha Baybay Boulevard han syudad han Borongan, diin pinangunahan an aktibidad ni Verina P. Amoyo, RSW, CSWD Officer.
Nagin marisyo an selebrasyon dara han mga intermission tikang han iba-iba nga grupo han kababayin-an nga tinambong.
Nagkamay-ada liwat pagpasidungog han magdurudulain nga grupo han kababayin-an ug asosasyon pinaagi hin paghatag hin Certificate of Recognation.
Tinagan pa hin pagkilala nga mga ’empowered women’ ha syudad an sugad kan Rosita Colico han Brgy. Taboc, Arnilynda Candido han Brgy. Alang-alang, Elisa O. Padro han Brgy. C, Remedios A. Dulfo han Brgy. San Saturnino ngan Anabelle C. Denoso nga taga Brgy. San Jose.
Urhe na liwat yana nga adlaw han pagtinda han ira mga produkto nga ira tinawag nga 2023 National Women’s Month Trade Fair nga tinikangan han nakalabay nga Marso 27.
Presente hi SPM Frich Uy, representante ni Mayor Jose Ivan Dayan Agda, Darliza Gunda, representante ni SPM Kathlyn Jane Cainday, ngan mga pira nga department heads ug empleyado han magkadurudilain nga opisina ug ahensya.