Iginpakilala an mga Top Performing Barangay Nutrition Scholars (BNS) han kanan tu-ig 2021, nga diin nakakarawat hira han “Cash Incentive” ngan “Certificate of Appreciation” dara han ira regular nga pag-sumite han report ug pag atindir han mga ginbuhat nga trainings and seminars.
An kada barangay in may-ada uusa nga BNS o sobra pa nga na asister ug napasilitar han nutrition programs han barangay, ngan na-monitor han nutritional status han molopyo labi na han kabataan.
Ini an ginbabasehan para ma-endorso ha iba nga mga ahensya para matagan hin kaangayan nga buruhaton o bulig labi na an parte han malnutrisyon.
An Nutrition Section han Borongan City Health Office, ha pangunguna ni Jassie Acla-Alegre, City Nutrition Action Officer, in na-koordinar, na-implementar, ngan na-monitor han nutrition programs hiton siyudad ug National Nutrition Council, kabulig an Nutrition Workers ngan Barangay Nutrition Scholars.
“Kun mayda hra nakikitan na mga malnourished, hira an una na nakikipag coordinate ngan endorse ha health care workers para matagan han kaangayan na solusyon an problema parte nutrisyon. Naghahatag gihap hira hin health teachings or counseling ha mga nanay kun pati-unan on an paghatag han tama na nutrition ha mga anak o pamilya,” sumala kan Acla.
Ginlalauman naman nga damo nga mga aktibidad an pagbubuhaton han mga BNS para han yana tu-ig 2022, sugad han pagkamay-ada supplementary feeding program ha mga nutritionally depressed barangays; pagpasilitar hin mga miting han mga barangay mahiunong hiton Breastfeeding ngan importansya han First 1000 Days; ngan Pabasa Sa Nutrisyon.
Usa ini na pag tutdo ha mga kag-anak na nagpapasuso ug mayda kabataan, han tama nga paghatag hin tama nga nutrisyon ha ira mga anak.
