Narikopo in unom (6) nga klase hin hagtaas an kalibri nga mga pusil han mga sundalo tikang ha mga kamot han mga rebelde nga komunista durante han maabot 25-minutos nga pinupsilay han duha nga grupo, ha may San Andres (upper) nga dapit, hine nga syodad.
Nabaroan tika han pahayag ni Captain Sherfrancis Saquing, CMO han 78th IB, nga maabot hin 25-minutos an binalyoay hin boto nga nag resulta han pag-pat-arag han mga rebelde ngan hibayae han pira nira nga armas, mga dokumento ug mga personal nga higamit.
Waray namatay han kasundalohan han goberno samtang nakit-an daw gud in mga tiagi hin dugo han gin-agian nga dalan han kinalagiw nga mga rebelde.
Natabo an enkwentro han magdumara hin operasyon an kasundalohan han goberno, ha ira panginano han nahisumat nga mayda pira nga tawo nga nantatarhog han mga taga barangay ngan pirit nga nan ngangaro hin pagkaon.
Nagpahayag hi Lt Colonel Oliver C Alvior, Commanding Officer of 78th Infantry (Warrior) Battalion Commanding Officer, han iya dako nga pasalamat han mga taga barangay nga nagpadangat ha ira han importante nga impormasyon, nga nagresulta hin maupay nga bunga.
Kan Alvior pa ginsagda an mga NPA nga dire na pagkinaragan an ira kinabuhi para han idolohiya nga maiha na nga ginbarabyaan.
Angay daw lugod, nga bumalik na hira ha piod han balaod ngan tagamtaman in damo nga mga programa han goberno nga igin tatanyag para han ira kaupayan sugad han E-Clip, ngan iundang na nira an pantarhug ha mga sibilyan nga nahigugma han kamurayawan ngan nanarabaho para han ira ikabubuhi.
Dugang pa han opisyal nga igtubyan na han mga rebelde an ira mga kalugaringon kay padayon an paghinulat ha ira han ira tagsa pamilya sugad man han bug-os nga nasud. (Photos courtesy of 78th Warrior Battalion) #
#BoronganonDisiplinadoAko
