Dire harumamay iton buruhaton hiton mga barangay officials, dida han toltol nga pagpatuman han kanan goberno nasyonal Devolution Plan.
Sumala ine kan Melanie Alberto, Assistant Regional Director han POPCOM Region 8, dida han pakipag estorya ni Sharish Mae Basilga han City Information Office.
Sering ni Alberto, an Devolution Plan in nagmamandu han mga ahensiya nasyonal nga makipagsumpayan ha mga LGUs, ha ira pag papa tuman hin mga serbisyo publiko kay ginpondohan ine han goberno nasyonal.
Dugang pa ni Alberto nga usa na dinhe han ginmanduan nga mga ahensiya an POPCOM, kanay mga programa in direkta nag hihidabi hin mga isyu kanan tawo.
“An Family Planning, nga nakada na tikang pa han 1970, Adolescent Health ug Gender and Development, in pira la han mga programa han POPCOM nga igin papatuman, pinaagi han municipal ug city LGUs, ngadto naman ha mga barangay, amo man ngani nga aanhi kami yana para matagan hin giya an mga brgy. officials han pagkilala kun ano ine nga mga isyu an direkta nakaka apektar han katawhan, ngan kun ano nga mga aktibidad an haum ipatuman para han kasolbaran han mga isyu, gamit an pondo nga igin alutaga ha ira nga kun tawagon, Gender and Development Fund o GAD Fund,” sering ni ARD Alberto.
Ha pagtapos han duha ka adlaw nga pag-hag-id han mga opisyales han barangay, linalauman nga makaka sumite hira han ira GAD Plan, diin hikikit-an an mga atol nga mga aktibidad nga popondohan han goberno syudad, ngan dire hira poyde magpatuman hin aktibidad gawas hine nga ira GAD Plan, kay, posibli hira dangaton hin Suspension o Disallowance Notice tikang ha COA, sumala pa han report.
An programa han POPCOM8, ha Ibabawnon Hall han ESSU, in pinanga may-amayan han City POPCOM Office, ha panguna han City POPCOM Officer, Mark Cortado. (SB) #
#DukwagAgrikultura
#LibreMedisina
#BoronganonDisiplinadoAko
