Sisiguraduhon ni City Mayor Jose Ivan Dayan Agda an pagpadayon han supply han ihawon nga baktin ha syudad ha mga masunod nga adlaw.
Dida han press conference han City Mayor kaupod an mga media, Pebrero 22, nagpasalig hi Mayor Agda nga magpapadayon an supply han baktin ha merkado publiko han Borongan kahuman han local “pork holiday” o pag-undang han mga meat vendors pamaligya hin baboy niyan han Lunes ngan Martes han yana nga semana.
“I assure you that there will be supply. Kay dire kita matuyang nga an mga tawo ha Borongan waray pangangaunon,” pahayag ni Mayor Agda.
Gin duon ni Mayor Agda nga padayon la gihapon an pamaligya han baktin ngan magpapalusad hin resolusyon bahin hiton Suggested Retail Price o SRP nga gin ayonan han public forum han mga meat vendors, hog raisers, ngan consumers kakulop, Pebrero 22.
“What I can assure that tomorrow nga mayda igbabaligya nga baktin, the consuming public will have their food on the table. Ikaduha, there will be a resolution by our technical team headed by the DTI office hiunong han an pag come up han SRP base han diskosyun han forum,” yakan ni Mayor Agda.
Ine in matapos mahibaruan ni Agda nga may mga ginaalegar nga mga tawo ha luyo han pagpaudong hin pag-ihaw han mga baktin ha merkado.
“Han yana, mayda nakapag istorya haak, allegedly, nga mayda usa nga “official” nga nag siring nga dire hira mag-ihaw kay ok la an dire mag-ihaw. Nasusubu ak in a sense nga, yana di naton dapat ig-hostage an aton syudad dara hit aton greed o kasakiman,” sumat ni Agda.
Dugang ni Agda, dire makakalusot an hin o man nga malabag ha balaud ngan patas nga serbisyo ha syudad an angay pagbuhaton para ha kaupayan han ngatanan.
“Kun mayda ma hit nira paglabag, definitely dire iton hira makakalusot. Ig exercise ta kun ano iton patas. They cannot put the City of Borongan under their whims and caprices,” subay ni Mayor Agda.
Dida han imbestigasyon han City Agriculture Office, nadiskobrar nga mas guti an kinikita han mga hog raisers kumpara han mga meat vendors.
Nadiskobre gihap an hataas nga pamresyohan han mga meat vendors han baboy ha merkado nga naabot na hin Php 300 per kilo.
“Dire naton maaabot an aton food sufficiency kun masusugad an sitwasyon han at syudad. Amo nga mayda na kita programa nga Dukwag Agrikultura para magkamayda nat food sufficiency han at syudad, nga dire na kita mag import ngan bumarato na an aton mga pamresyohan,” subay pa kan Mayor Agda.
