Gin-bendisyunan yana nga adlaw, Pebrero 25, an bag-o nga skatepark han syudad pinaagi kan Rev. Fr. Justine Jay Mabilangan han Parish of the Nativity of our Lady, Borongan City.
An Skatepark han syudad in nahimumutang ha Baybay Boulevard, Borongan City (747.7sqm area), ngan igin-ngaran kan Margielyn Didal, Skateboarder 2018 Asian Games Gold Medalist & 2019 SEA Games Double Gold Medalist kun diin personal pa hiya nga inatender han inagurasyon kaupod an iya team.
Kahuman han pagbendisyon han nasabi nga skatepark, nagkamay-ada hin haliputay nga programa nga pinangunahan ni City Mayor Jose Ivan Dayan Agda, VM Emman Tiu Sonco, City Sports Coordinator Rupert Ambil, SP Members ngan pira nga LGU department heads.
Sumala kan Mayor Agda, “This Skateboarding Park we hope that this would motivate hit amun mga kabataan nga hibaro liwat maging sugad ha imo because you are an inspiration to all of us. Ibig sabihin, hikita nga mga Boronganon, ngan mga Pilipino may liwat natun chance nga makahatag hin honor ngada hit atun hinigugma nga nasod Pilipinas particularly an atun syudad han Borongan. This is one way of immortalizing your name and the honor that you gave to the country and later on next month we will be unveiling the bronze marker over that area that this skatepark is really yours, Margielyn.”
Igintugon pa ni Mayor Agda nga sigurudahon nga magsusul-ot hin safety gears an mga mag-uuyas ha skatepark para han ira liwat seguridad.
Nagpasalamat naman hi Didal han paghatag hin “safety place” para han mga regular skaters.
“Don’t forget to wear your safety gears para na rin ito sa sariling kapakanan and let us follow and implement the rules like stop, look, listen and respect then have fun sa skatepark na ito para ma enjoy natin lahat,” mensahe pa niya.
Sobra naman an kalipay han mga sugad nira William Radin, 12 anyos, taga Barangay A ngan Clark Andag nga taga Barangay Songco, kay siring nira nga maupay na daw nira nga mayda na nira pag-uuyasan, dire na hira aadi hit kalsada ngan bisan diin la mag-uuyas.
#FunBorongan #BoronganonDisiplinadoAko
