Nagbuhat hin haliputay nga programa o “short program” ha City Hall Ground para han Women’s Month Celebration, yana nga adlaw, Marso 14.
Ini in kaparte han National Womens Month Celebration nga gincecelebrar ha bulan han Marso 1-31, ngan may-ada tema yana nga tu-ig 2022 nga “WE Make CHANGE Work for Women”.
Naghatag naman hin mensahe hi City Social Welfare and Development Officer Verena P. Amoyo ha atubangan han mga empleyado han syudad kun diin gintagan niya hin duun an patas nga oportunidad han mga kababayin-an ngadto ha mga lalake.
“We don’t want to compete with men, we don’t want nga magin beneficiary la nira, we want to be partners nira,” siring ni Amoyo.
Sumala pa kan Amoyo, an tema in nahatag hin ayat ha presente nga sitwasyon ha mga kababayin-an kun may-ada na ba mga pagbabag-o ha ira mga kinabuhi ngan an snusugad nga “to bridge the gap with the inequalities between the men and women” labi na an aadto ha marginalized sector nga kulang an mga oportunidad, sanglit gintitinguha nga tagan hin serbisyo an aton mga kababayin-an, pano hira mabubuligan “economically”.
Ngane yana nga tu-ig 2022, may-ada liwat ine “sub theme” nga “Agenda ng Kababaihan Tungo sa Kaunlaran” kun diin gin-aaghat iton kababayin-an nga ipasabot ha aton goberno, hit aton mga lawmakers, ngan mga ahensiya nga nag i-implementar han mga programa nga i’upod an ira mga agenda, mabuligan hira nga magin empowered hira, dugang pa ni Amoyo.
Nakatalaan naman magkamay-ada mga aktibidades yana nga bulan han Marso kasumpay han pag-selebrar han Women’s Month nga diin may pagbubuhaton an symposium ha mga kababayin-an ha Barangay Maypangdan, Punta Maria, Can-abong papartisiparan han mga hagrani nga barangay dara nga dire man ha gilayon maakos ngatanan.
Ha mga empleyado naman han LGU yana nga tipadaraon nga semestre in magkakamayda paghag-id para han Gender Sensitivity kun diin magkakamay-ada mga representante kada opisina.
