Iginproklamar yana nga adlaw, Disyembre 15, hi Cheyney Ibarbia komo bag-o nga Liga ng mga Barangay President han syudad han Borongan dida han ginbuhat nga 2023 Liga ng mga Barangay City Charter President Elections, ginbuhat ha Multi-Purpose Building, Barangay Campesao.
Hi Ibarbia in Punong Barangay han Barangay Tabunan ngan nakakuha hin 34 nga botos tikang han 61 nga mga punong barangay han syudad.
Dinaog naman pagka Bise-Presidente hi Oginiano Plana II, pagka-auditor hi PB Myrna Gavilan, ngan Board of Directors hira Enrique Alde, Jasmin Coles, Leslie Nicart, Marissa Borata, Nestor Gallego, Ricardo Ramirez, Maria Grace Alcantara ngan Estela Apura.
Kahuman han nasabi nga proklamasyon, hinurar an mga daugan nga kandidato ha atubangan ni Mayor Jose Ivan Dayan Agda.
Pinasalamatan ni Mayor Agda an Board of Election Supervisors nga hira Police Lieutenant Colonel Dexter Astacaan han Borongan City Police Station, Atty. Bliz Desery Enciso, Election Officer han COMELEC-Borongan, ngan Maria Florlita Mocorro, City Local Government Operations Officer para han patas ngan mahuyaya nga pinila-ay.
#BoronganonDisiplinadoAko
