Igin-intriga yana nga adlaw, Pebrero 28, pinaagi hin “turn-over” ngan “blessing ceremony” an Halfway House para han mga Former Rebels (FRs), ha Barangay Bato, Borongan City, nga ginbendisyunan ni Most Reverend Bishop Crispin Varquez.
Inupdan ini hin haliputay nga program kun diin nagpahamtang hin mensahe hi Governor Ben Evardone ngan iba pa nga mga opisyales.
“This facility is a symbol of hope that peace of Eastern Samar and the generations is in the corner, this is not just a halfway house for our brothers and sisters but this is more meaningful to me, it represents a fervent hope and peace for our province. May this project inspires our brothers and sisters up there in wayward to come forward and embrace the genuine and sincere effort of the government”, pahayag ni Gov. Evardone.
Siring pa han gobernardor, tatalinguhaon nira nga matagan an mga FRs han ira mga kinahanglanon, sugad han mga “amenities” nga magin komportable hira; Social Workers para makabulig han ira “psychological integration”; livelihood programs para ha ira ngan scholarships para han ira mga anak.
Samtang, sinundan naman hin panhatag han financial assistance an 38 nga Former Rebels (FRs) han Eastern Samar. Gindumara ha Provincial Capitol Gym nga pinangunahan nira Gov. Ben Evardone, VM Maricar Goteesan kaupod hira Imelda A. Bonifacio, Office of the President Adviser on Peace, Reconciliation and Unity (OPAPRU), DILG Regional Director Atty. Arnaldo E. Escober Jr., MGen Edgardo De Leon, Commander of 8 Infantry Division, CORDS Eduardo H Del Rosario, Chairperson, RTF8-ELCAC, Rene V. Valera, Asst. Director, OPDS, DILG Central Office ngan Provincial Director Engr. Visitacion V. Giba, CESE.
An financial assistance nga ginhatag in pinaagi hin tseke kun diin 11 nga regular FRs in natagan hin nagkakantidad P65,000, ngan 27 naman an natagan hin P15,000, kun diin hira pala in nahuman han mga kinahanglanon nga proseso, sumala ini kan Marlyn Dagami, Focal Person, han E-CLIP, LGOO-V.
Ini nga programa in usa nga inisyatibo komo pagbaton han Executive Order 70 nga diin ginpapatuman ha bug-os nga nasud an pagkamay-ada kamurayawan han bug-os nga probinsya ngan nasud, salit ginhimo an National Task Force ha panuyo nga mahimugso an End Local Communist Armed Conflict (ELCAC).
Presente liwat nga inatender hi Borongan City Mayor Jose Ivan Dayan Agda, nga diin, usa liwat hiya nga nasuporta hin parehas nga kawsa para han mga FRs, ngane, han nakalabay nga Pebrero 21, nag-intriga daman an LGU-Borongan hin usa (1) nga “temporary shelter” ngan financial assistance para han mga FRs ha syudad.
