Nag-agi hin duha ka-adlaw nga pag-hag-id in 25 nga mga Agriculture Technologists (ATs) may panuyo madugangan pa an ira kabatiran ha pagpapa-dangat han impormasyon ngan pagpapa-plastar hini ngadto ha mga parag-uma, agud klaro nga maintindihan nira an mensahe.
Tinatawag nga ‘Communicating Dukwag Agrikultura thru Grassroots Communication Strategies’, gindumara ini ha Kayak Riverside Resort, ha Brgy. Camada.
Pinangunahan ngan ginpasilitaran an aktibidad ni Alicia Nicart han Mayor’s Office.
Tungod kay an mga ATs man an naatubang pirme han mga tawo urog na labi ha mga parag-uma ngan parupangisda, gintutdu-an hira ni Mrs.Nicart hin mga kadungan pa nga stratehiya para pa magin mas epektibo pa an ira komunikasyon ngadto han ira tagsa-tagsa nga ‘area of assignment’ diin mas damo pa an ira makumbinser nga ma-apply ha DA nga programa.
Nagin tagapagyakan liwat hi Deogracias Paano tikang ha Mayor’s Office, diin iya iginpahamtang an mga ginhihimo na nga pitad han City Government ha pangunguna ni Mayor Jose Ivan Dayan Agda ngan VM Emmanuel Tiu Sonco para ma-amendaran an Implementing Rules and Regulations o IRR han DA nga programa.
Nagkamay-ada pa hin open forum ha butnga han mga ATs para mahisumat an ira tagsa-tagsa nga eksperensya tikang ha kada barangay nga ira kinakaptan.
Ha pagtapos han duha ka adlaw nga paghag-id, nagpahayag an mga ATs han ira kalipay ug pasalamat han kaiba la nga “experience ” ug hibabruan ha pamamahayag para han bisan ano nga programa han goberno para publiko.
#DukwagAgrikultura
