Nagbuhat hin miting an ngatanan nga mga Municipal Tourism Officers, Information Officer, SB Chair Committee on Tourism ngan mga Local Chief Executives han probinsya han Eastern Samar ngan Department of Tourism Region 8 representatives, kaupod hi Gov. Ben P. Evardone, ha Provincial Capitol, Miyerkules, Pebrero 1.
Gin-presenta ni OIC Information Officer ngan Flight Operations Chair Rupert Ambil an mga data ug mga plano parte han pagpa-uswag han turismo diri la ha Borongan kundi para han bug-os nga probinsya. Sugad man an mga ideya para matagan hin pagkilala an mag-upay nga mga tourist spots/products han tagsa-tagsa nga bungto nga diin makakapag-aghat hin mas damo pa nga turista.
Labot la han panuyo nga ma-sustinar an flights ha syudad han Borongan, gintatalinguha liwat nga ma-boost iton turismo nga usa hit maghahatag hin economic development ha probinsya.
Naghatag hin sample an DOT-R8 parte han paghimo hin tourism package or travel tour package base magkamay-ada ideya an ngatanan nga mga Municipal Tourism Officers, nga diin hira in naka-alutaga nga mag-presentar hin tour package para han ira munisipalidad.
Naghatag naman hin ideya hi Mayor Jose Ivan Dayan Agda mahi-unong han pagplano ngan pag latag hin mga panmaihaan nga mga imprastraktura ngan iba pa nga proyekto para han pagpa-upay han mga tourist spots/products.
Gintagan ni Gov. Evardone hin duha ka bulan an kada munisipalidad han pag-andam hin proposal nga tourism packag, arte na hini an pagkamay-ada nira kalugaringon nga tourism development plan.
#FunBorongan #EasternSamar
