Ginpartisiparan hin maabot 120 nga mga fish cage and fish pen operators, hog raisers, ug mga parag-uma hin cassava (bilanghoy) ngan mais, an Dukwag Agri-Fisheries Summit 2024 nga pinangunahan hiton opisina han City Agriculturist, dida han Martes, Hunyo 18.
Panuyo han nasabi nga summit nga igduso an mga farmers ug fisherfolks nga magin entrepreneurs han Borongan ngan makompleto an production value chain agud pinaagi han ira mahihimo nga negosyo in rumabong diri la an produksyon kundi an hiagi nga ira kikitaon.
Presente naman hini hi Mayor Dayan Agda nga naghatag han iya suhestiyon ha mas epektibo nga pag implementar han Dukwag Agrikultura Program han Borongan nga may panuyo nga humitaas iton produksyon ha sektor han agrikultura.
Tinambong liwat hini hi Department of Trade and Industry DTI Eastern Samar Provincial Director Ruthelma Samonte nga nagtalakay kun ano an katungdanan hiton DTI ha Local Development of Agri-Fishery Industry. Sugad man an General Manager hiton Balangkayan Agriculture Cooperative (BACO) Anita Dadulla, nga nanguna naman han iristorya han processing and marketing hiton Corn and Cassava Production.
Samtang, ginpangunahan naman Alex Chua, usa nga registered livestock handler-dealer ha Borongan an panel discussion ha Marketing of Slaughter Hogs and Bangus.
An nasabi nga aktibidad in kaparte han pagselebrar han ika-17 nga Charter Month Anniversary hiton syudad.
