Ginbuhat kakulop nga adlaw, Setyembre 22, an Cluster Orientation on Early Childhood Care and Devlopment (ECCD) Program Implementation, nga ginatenderan han Barangay Officials, DayCare Workers ngan mga kag-anak han kabataan ha Loom barangays sugad han Sohutan, Calico-an, Siha, San Jose ngan San Gabriel , gindumara ha San Gabriel Covered Court, diin ini an host barangay.
Sumala kan Gilda Rodeles, Social Welfare Officer III, “An ECCD in kabug-usan nga pag-ataman, pagpukrat hit aton kabataan dida hit ira most critical age dida hit ira growth and development to ensure their right to survival, protection, development and participation nga ira ini makab-ot”.
Siring naman ni Ronnie Afable, Social Welfare Aide IV, panuyo pa han nasabi nga paghag-id, nga mapahinumdom an mga partisipante han ira mga obligasyon ha pagigin stakeholder han ECCD nga programa.
Hi Mary Jane Acas, Focal Person on Supplemental Feeding, in nag-esplikar naman han updates nga pagbubuhaton nga Supplemental Feeding ha mga 3-4 years old nga kabataan.
Nagkamay-ada pa hin ‘open forum’ han mga partisipante kahuman han paghag-id nga diin nahibaruan an mga kakulangan ngan mga solusyon han kada barangay mahiunong han presente nga kamutangan han mga DayCare Centers ngan kamaestrahan dida ha ilarom han ECCD nga programa.
An ginbuhat nga paghag-id in may-ada trese (13) nga cluster ha bug-os nga 61 barangays han syudad kun diin ini in gintikangan han Lunes nga adlaw ngan mahuhuman hit Biyernes, Setyembre 23.