Nagkatitirok an magdurudila-in nga mga 32 civil society organizations, para han eleksyon han mga representante han kada CSO ha Local Special Bodies, yana nga adlaw, Septembre 26, ha Primea Hotel, Borongan City.
Sumala kan SPM Glaiza Tiu, ginbuhat an katitirok para hin eleksyon han mga ‘Local Special Bodies’, kon diin an mapipili hine in tikang han 32 nga accredited CSOs ha syudad ngan presente nga inatender han aktibidad.
Dugang pa man ni Jojito Acla, CSO Desk Officer ngan City Cooperative Development Officer, kadugangan nga panuyo hine nga katitirok nga pakusgon an mga accredited ngan dire pa accredited CSOs ha syudad.
“Dire la tubtob i-accredit, i-organize, then after that wara na, ngan karuyag nam maiba it panhuna huna hit mga CSOs ha Borongan, panuyo pa hine kay anu ginrerekognisar kamo para makabuleg hit planning, decision-making hit aton goberno syudad para mabati it mga arungot hit mga tawo. Usa ini nga iginduduso ni Mayor Dayan nga ‘bottoms up’ nga pang-gobernohan, pamamati-an kun ano it mga panginginahanglan hit mga tawo pinaage hit mga CSOs,” dugang pa ni Acla.
Ha pagkayana in may-ada pa 114 non-accredited CSOs ha Borongan City, ngane gintagan hira hin deadline ngada la hit Oktubre 14, 2022 para han pagsubmitar han applications forms pagpa-membro ha People’s Council.
Ini nga higayon in kolaborasyon han opisina ni SPM Glaiza Tiu, Chairman han Accreditation Committee, CoPe Inc., Eastern, Executive Director Donabelle L. Aballo ngan Margarito Guasis, Program Specialist, Mayor’s Office ha pangunguna ni City Mayor Jose Ivan Dayan Agda ngan City Local Government Operations Officer Candelaria Badillo.
#BoronganonDisiplinadoAko
