Opisyal na nga gin-abrehan an Civil Registry System (CRS) Information Technology Project 2 Outlet (ITP2), Miyerkules, Marso 29.
Gindumara in ribbon cutting nga pinangunahan nira Usec. Claire Dennis S. Mapa, Ph.D., National Statistician and Civil Registry General ngan RD Wilma A. Perante, PSA Region VIII ngan Ms. Marivic G. Villena, Director of Operations, UNISYS.
Kahuman han ribbon cutting, gin-bendisyunan an nasabi nga outlet ni Rev. Fr. Justine Jay Mabilangan han Parish of the Nativity of our Lady, Borongan City.
Presente liwat hi Mayor Jose Ivan Dayan Agda han nasabi nga okasyon nga diin iya igin-paabot an iya kalipay han nasabi nga proyekto kay dire na hirarayo an mga Boronganon ngan mga hagrani nga munisipyo han Eastern Samar sugadman an mga munisipyo ha Northern Samar sugad han Mapanas, Palapag, Gamay ngan Lapinig dara nga wara paman ha Catarman CRS Outlet. Labot pa, makakaimbitar liwat ini han turismo ngan makakabulig ha ekonomiya han syudad kay damo na an mga makakabisita ha Borongan City.
Sumala naman kan Betchwell L. Matienzo, Registration Officer III, Civil Registration and Central Support Office-CRS, Office of the Assistant National Statitistician, an mga dokumento in makukuha na ha parehas nga adlaw (same day process) ngan an kaiha nga nga makukuha han kliyente an dokumento in minus 30 minutos nala, dara nga ITP2 na an Borongan City. Kaupayan pa hine an ngatanan nga makakarawat nga dokumento hin mga kliyente in may-ada QR Code kun diin ini in magpapatunay nga dire peke an ira nakuha kun ipresentar ha mga ahensya o opisina nga papasahan.
Nagpakita liwat hin suporta an Borongan City Civil Registry Office ha pangunguna ni Ma. Luisa M. Azul III.
An CRS ITP2 Outlet in nahimumutang ha 135 G. Brgy. D-1, sapit la han Rodolfo’s Lodge, ha syudad ha Borongan.
