Malampuson nga nagtikang han paghag-id kanan Barangay Population Gender and Development Volunteers mahitungod han establishment ha Local Database pinaagi han pagamit han Registry of Barangay Inhabitants ngan Migrants System (RBIMs) ngan Population Gender and Development Volunteers para ha mga Barangay, ha Teatro Ibabawnon, Mayo 25-26, ha pangunguna ni Mr. Mark Cortado han City Population Office (CPO).
Sumala kan Cortado, an ira opisina an mabulig han barangay pagtuhay han datos nga hihimoon han Barangay Population Gender and Development Volunteers (BPGADV).
Pulong pa niya kada barangay in magmo-monitor hit inflo (an naabot tikang ha gawas ngadi ha Boronganon) ngan outflow (an tikang ha Borongan ngadto ha gawas). Tatagan naman hin Tablet an kada barangay kun diin asya an bubutngan panlista han mga kinahanglan nga datos san o ibutang han system ha CPO.
Makusog naman nga sinusuportahan ni Mayor Jose Ivan Dayan C. Agda ine nga nasabi nga programa.
“Its about time that you have to be active on this, since IRA is the lifeblood in the barangay, ini nga paghag-id in maupay nga tool para maalalayan, ma-monitor itun kadamu hit iyo kabarangay para an iyo IRA in diri humabubo.”
Labot pa, ginduon ni Agda tungod nga damu it social programs nga ginhahatag han LGU-Borongan, ini nga programa in usa nga basihan para mahimbaroan kun legitimate nga taga dinhi an benepisaryo labot la han iya pagbulig han electoral process pinaagi han pagbotos.
“Kamo an BPGADV, you will be the last line of defense of our city pag determine pag check kun it nakakalibre hit medisina, makakatagamtam hit panarabaho, makakarawat hit mga allowances kanan estudyante ngan senior citizens ngan iba pa nga social programs, in legitimo nga mga Boronganon.”
Samtang, ha pagsunod han guideline nga nahitakda han paglikay han COVID-19, an tinaglawas han City Health Office, Dr. John Kelly B. Cainday, kaupod an iya team pati na taga DOH, in nagbuhat hin pag antigen test han 145 nga mga BPGADV, mga bisita, pati na an City Mayor, san-o magtikang an paghag-id.
#BoronganonDisiplinadoAko
