Nakiduyog ngan naghatag hin respeto an bug-os nga City Government of Borongan pinaagi hin Necrological Service para han nawara ngan anay Vice-Mayor Antonio Lozada Uy Jr., ginbuhat ha City Hall Lobby yana nga adlaw, Disyembre 27.
Hi Antonio Uy Jr. in nagin Municipal Vice-Mayor han tuig 1998-2004. Hiya liwat in nagserbisyo komo Sangguniang Bayan Member han tuig 1992-1995.
Presente an pamilya ug mga kaurupdan han nawara, an city officials ha pangunguna ni Mayor Jose Ivan Dayan Agda, VM Emmanuel Tiusonco ngan SP Members, Atty. Jessie Apelado, suok nga sangkay ngan dati nga kaupod niya ha konseho, ngan mga empleyado han LGU-Borongan.
