Duha nga team han Borongan in nanguna han Fishing Tournament ha Barangay Divinubo, yana nga Sabado, Hunyo 10.
An Mapaerapa Anglers han Brgy. Sta Fe, Borongan City ngan hi John Paul Ocampo han Borongan City Fishing Club (BCDC) in kampyon han ‘Most Catch’ ngan ‘Biggest Catch’ nga kategorya. Nag 2nd naman hi Robert Carlos han Taft, ngan 3rd hi Arjie Contado han Balangkayan para han Biggest Catch.
Otso Mil an nakuha han Mapaerapara Anglers ngan Singko Mil, Tres Mil ngan Dos Mil naman para han First, Second ngan Third nga nagdaog han Biggest Catch.
Sumala han organizers han tournament nga hi Karlo Celso Macose ngan SK Chairman Joefry Raquipo, Jr., 120 an mga pinartisipar nga binubuo hin 16 ka-grupo tikang ha Tacloban City, Guiuan, Llorente, Balangkayan, Taft ngan Northern Samar an binulig han kompetisyon.
Sakob hin upat ka oras an pangisda ha kadagatan han isla han Brgy. Divinubo.
“Nagbulig an SK Federated ngan BCFC pag organisar hini ha panuyo nga mahipasamwak an sport fishing ha mga kabataan dara kay halu-ag it aton coastal areas dire la ha sports kundi pati na an pag conserve han environment pinaagi han pag coastal clean-up ngan urog na labi an pag promote han tourism han isla,” siring ni Karlo ngan Joefry.
Nagpapaabot daman hira hin pagpasalamat ngada han LGU Borongan para han suporta han ira sports.
An BCFC in nakarawat hin pagtutdo pinaagi hin mga fishing clinics ngan hira in andam pirmi pagbulig pag konserba han coastal areas.
Parte an nasabi nga aktibidad hiton tipadaraon nga patron han nasabi nga barangay yana nga Hunyo 15.
#FunBorongan
