Kasumpay han Open Water Swimming seminar kakulop, Hunyo 24, gindumara naman an Open Water Demonstration Race, kanina han kulop, Hunyo 25, ha Baybay Boulevard, Borongan City.
An nasabi nga aktibidad in ginpartisiparan hin pito (7) nga Boronganon nga mga kabataan, diin ira ginpakita an ira interes ngan paniguro languyon an 2 ka-kilometro nga kahirayo han kadagatan ha Baybay.
“Everyone did good today. Practice lang nang practice para ma-improve yung endurance niyo,” sagdon ni Coach Betsy Medalla, Open Water Swim National Coach ug Swimjunkie founder, ngadto han mga partisipantes.
Ini nga ginbuhat nga Open Water Swimming demo race in pag-preparar han mga swimmers dinhi ha syudad para han ginpla-plano nga pag-host hit LGU Borongan hin sugad hini nga aktibidades.
“Sa lahat nang nag-participate today, ipapadala namin kayo sa Caramoan para mag-compete sa 2K Open Water Swimming [Swimjunkie Challenge: Caramoan 2023] ngayong October,” siring ni Rupert Ambil, City Sports Coordinator ngan City Information Officer.
Kun matutuman, an nasabi nga kompetisyon ni Ambil in makikilal-an it Borongan ug an probinsya han Eastern Samar nga ‘first-time joiners’.
Nagpapasalamat an LGU Borongan han pag-suporta ug paghatag hin oras han duha nga Open Water Swimming national coach Betsy Medalla ngan Jingo Hervas han Swimjunkie.
Hingyap han LGU nga matagan liwat hin pokus an nasabi nga sports parte han mga kabataan nga atleta han syudad, nga diin makakapagpadara hin makompetensya ha region o national competition.
#FunBorongan
