Epektibo buwas nga adlaw, Hulyo 12, in pwede na gamiton ngan magtitikang na an operasyon han Borongan City Slaughterhouse, nga nahimumutang ha Barangay Pepelitan.
Kanina han kulop, Hulyo 11, nahinabo in pagbendisyon ug haliputay nga mesa han nasabi nga establisyemento pinaagi kan Rev. Fr. Leroy Geli, han Diocese of Borongan.
Ha pangunguna naman ni Atty. Celestino Cabato, representante ni Mayor Jose Ivan Dayan Agda ngan VM Emmanuel Tiu Sonco, sinundan hin ribbon cutting an seremonyas.
Sumala kan Dr. Claro Dennis P. Morante, bisita ngan representante ni Dr. Emmanuel A. Lemana, Director II, National Meat Inspection Service o NMIS, Region VIII, “Dako an akon pagtagusya han Borongan Slaughterhouse, this is the best ha Region VIII, it is environmental friendly, workers friendly, it has a water treatment facility.”
Dugang pa niya, hi Dr. John Adrian Ang, an City Veterenarian han Borongan City, in nakapagsubmitar na han mga rekesitos para han accreditation han nasabi nga establisemento, tu-o pa niya nga kun makakuha hin double A (AA) , an mga karne in pwede na ibaligya bisan diin nga parte han Pilipinas, ngan pinaagi hini, dako nga bulig han mga negosyante ha syudad.
“As we open our new and considered modern slaughterhouse in Eastern Visayas Region VIII, it is our aim to improve our meat inspection and to assure the public of good and hygienic meat for Borongan City, so, acting upon the recommendation of the NMIS Region VIII, I am proud to say that we had already complied all the recommendation from them and we are ready for operation. And above all, as Mayor Agda said, this slaughterhouse is established not for business but for the service for Boronganons,” mensahe ni Dr. Ang.
Presente pa han nasabi nga panhitabo hira SPM Zen Daza, Engr. Melcho Arago, SPM Jay Anthony Ang, SPM Frich Uy ngan pira nga mga department heads ug empleyado han syudad.
Mahinunumduman nga an nasabi nga proyekto in pinondohan han anay City Mayor Maria Fe Abunda an pag improbar han lokasyon hine ngan igin-pasige naman han presente nga administrasyon ni Mayor Agda urog na labi han pagkamay-ada Dukwag Agrikultura nga programa nga ginkaurusahan han iya mga kasugbong nga mga konsehal han syudad.
#DukwagAgrikultura
