Igin-pasamwak ni J/INSP Jessie A. Coles, Jail Warden han Bureau of Jail Management and Penology (BJMP) han Borongan City ha usa nga pakipag hampang ha “Dukwag Borongan” nga programa, an mga programa nga naihahatag han ira opisina sugad han mga “livelihood programs” para ha mga Persons Deprived of Liberty o PDL.
Sumala kan Coles, may-ada sinusugad nga “Therapeutic Community Program”, usa nga pamaagi han BJMP agud matagan higayon an mga PDL nga mabag-o an ira pag lantaw han ira mga kinabuhi, pinaage hin pagka-kalibangan nga mga aktibidades, basi dire hira maura-urahan hin pag-langkag ha sulod han rehas.
Hira in nanhihimo hin mga souvenirs sugad hin wallets, “recycled flower bouquets” ngan “Christmas parols.”
Tungod nga naatubang man yana hine nga pandemic, may-ada liwat ginbubuhat nga pag-eskwela han mga gusto makapgpasige han ira pag-aram gamit an bag-o yana nga “modular approach” nga panutduan han mga PDL pinaagi han “Alternative Learning System (ALS).”
An mga Senior Citizen naman nga PDL, in gintatagan naman hin regular nga medical check-up para ma-monitor an kondisyon han ira panlawas tungod ka may-ada jail nurse ha ira buhatan ngan sugad man gintatagan hira hin panahon han pag ehersisyo.
Dugang pa ni Coles nga may-ada pangarawat han mga aplikante para magin empleyado ha BJMP kun diin mahibabaruan an mga kwalipikasyon pinaage hin pagpakiana ha ira fb page nga Borongan Bjmp o makadto mismo ha ira opisina. #
#BoronganonDisiplinadoAko
PDL (Person deprived with Liberty) kabulig an usa nga jail warden nagdidis-infect para iwas COVID-19.