Malagatak nga dosyentos sisinta (260) an nagregister para han Ay! Borongan Road and Criterium Race 2022 nga gin organisa han HBSK Sports Bike Club, Marso 13, 2022.
An mga cyclists in tikang ha magdurudila-in nga lugar han Eastern Visayas sugad han Leyte, Catbalogan, Calbayog ngan han mga municipalidad han Eastern Samar.
An Road Race nga mayda upat nga kategorya.
– Men’s 53 kilometers Mountain Bike
– Men’s 53 kilometers Road Bike
– Women’s 25 kilometers Mountain Bike
– Women’s 25 kilometers Road Bike
An Women’s 25 kilometers road race in nagtikang han municipalidad han Balangkayan tipakanhe ha Borongan. Tikang naman han municipalidad han Hernani an Men’s 53 kilometers road race.
Ha pagkayana, ginhuhulat an mga participants nga umabot hit finish line nga nahimumutang ha Baybay Boulevard Borongan City.
Ini nga aktibidades in pinangunahan han HBSK Sports Bike Club nga pinamumunuan ni HBSK Bike Club President Joseph Salvador Bardaje, nga naghihingyap pa hin mas damo pa nga tipa-arabot nga mga bike races ug mga mapartisipar.
“Para hit mga cycling enthusiast labi na it mga bata, gin-iinvite nam hera nga bumulig. It HBSK Sports, open kami hit mga bata lalo na hit mga into sports, through our facebook page (HBSK Sports) pwede hera magsend private message or kon kilala kami nira pwede haam mismo magchat,” pangimbitar ni Bardaje.
Ini nga aktibidades in dire magiging posible kon waray an pagburublig han bug-os nga HBSK Sports Bike Club, an paniguro nga supporta han City of Borongan ha pina-agi han pag probidar han pondo, kaupod na an mga serbisyo han taga traffic, CDRRMO, City Solid Waste Management Office ngan City Tourism Office. An paisan-isan in matatapos yana nga kulop pinaagi hin awarding para han mga magda-daog.
#FunBorongan
