Maupay nga sumat para han mga Senior Citizen ha syudad han Borongan kay ginpirmahan na yana nga adlaw ni Mayor Jose Ivan Dayan Agda an Ordinance No. 210, Series of 2021, nga may titulo, “AN ORDINANCE GRANTING MONTHLY MONETARY ALLOWANCE TO ELIGIBLE SENIOR CITIZENS IN THE CITY OF BORONGAN AND FOR OTHER PURPOSES, AS AMENDED”.
Natabo ini, pira pala ka minutos an linabay, ha SP Session Hall, ha City Hall.
Nakapatik ha Section 4 han nasabi nga ordinansa, nga an goberno syudad han Borongan, pinaagi han Office of the Senior Citizen’s Association (OSCA) in maghahatag hin Monthly Monetary Allowance nga nagkakantidad hin kinyentos pesos (Php500.00) ngadto ha mga kwalipikado nga Senior Citizen han syudad.
Ini nga ordinansa in iginproponer ni SPM Lyra Gel Agda Limbauan, komo Chairman, han Committee on Social Welfare ngan sinuportahan han Sangguniang Panlungsod ha pangunguna han maabtik nga VM Emman Tiu Sonco.
Mahinunumdum nga na-aprobahan an una nga Ordinance No. 157, Series of 2020 “AN ORDINANCE GRANTING MONTHLY MONETARY ALLOWANCE IN THE AMOUNT OF THE TWO HUNDRED FIFTY PESOS (Php 250.00) TO ELIGIBLE SENIOR CITIZEN IN THE CITY OF BORONGAN AND FOR OTHER PURPOSES”, han nakalabay nga Marso 4, 2020, ug yana gin-umentohan ini nga benepisyo, tungod han pag-amendare han Ordinansa.
Inatender han nasabi nga mahinungdanon nga hitabo hira OSCA President, Zenaida Rapada, Verena Amoyo, City Social Welfare and Development Officer ngan Vergie Buna, Federation President han OSCA.
#DirektangAyuda
