Gintikangan han nakalabay nga Pebrero 8 an Basic Orientation Training han Department of Interior and Local Government – Borongan City ngadto han mga Barangay Newly Elected Officials (BNEO) nga may-ada tema nga “Grassroots Renewal and Empowerment for Accountable and Transparent Barangay Programs,” gindumara ha Garden han Melinda’s Resort and Restaurant, Barangay Songco, Borongan City.
Inatenderan an nasabi nga training han una nga batch han mga bag-o nga eleher nga opisyales ha kada barangay tikang han Punong Barangay, 7 nga Barangay Kagawad, SK Chairman, ngan an bag-o nga mga Barangay Treasurer ug Secretary. An 61 nga barangay han Borongan in gintunga hin lima kagrupo, kun diin an kada grupo in mag-aagi hin duha ka-adlaw han parehas nga training.
Sumala kan Maria Florlita Mocorro, City Local Government Operations Officer, “highlight” han aktibidad an pag-iristoryahan an ira mga mandato ug responsabilidad nga panuyo an makapaghatag hin epektibo nga serbisyo ngadto ha kabaranggayan. Dugang pa niya, an training in ginbubuhat ha bug-os nga Pilipinas.
Nagpaangbit naman han ira mga hibabruan komo mga speakers hira Raul Jaime Anacta, Local Government Operations Officer; City Budget Officer Joyse Claire Caspe-Uyvico ; Assistant City Planning and Development Officer Engr. Maria Anne Lopez; DILG Program Manager Ma. Lynee Medina; ngan Erlinda Gajol, DILG Staff.
#BoronganonDisiplinadoAko
