Hiyok hin kalipayan ug pagkuro-o hin pag-aghat an binati yana nga kulop ha Loom River para han pagdaog an 16 nga grupo ha iba-iba nga kategorya han pinaka-una nga Loom River Race.
Gamit in unom nga mga kayak, an LGU Borongan kaupod in 10 nga mga barangay in nagdumara hin kompetisyon ha Loom River, Barangay Taboc, Hunyo 24, 2023.
“Tuyo ta nga igpa-dukwag an aton turismo han syudad ngan igpadayon an kalinisan hini nga salog,” yakan ni Hon. Cristobal Afable, Punong Barangay han D-2.
Ginsumat naman ni Rupert Ambil, City Sports Coordinator, nga hul-os an pasasalamat ni Mayor Jose Ivan Dayan Agda han napulo nga riverside Punong Barangays.
“Hanggang may mga proyekto ang mga Punong Barangay si Mayor Dayan ay tutulong sa inyo,” an sumat ni Ambil.
Nagdugang pa hi Ambil nga karuyag niga ig-aghat an ngatanan nga barangay ha syudad yana nga tipaarabot nga patron para pumartisipar hiton masunod nga Loom River Race.
May-ada nagin tulo nga kategorya han River Race kun diin an masunod an mga dinaog;
Men Category (team)
1st – Brgy. H
2nd – Brgy. Taboc
3rd – Brgy. D2
Women Category (team)
1st – Brgy. H
2nd – Brgy. F
3rd – Brgy. D-2
Open Single Category
1st – Brgy. B (Alfred Enoc)
2nd – Brgy. H (Eduardo Galvez)
3rd – Brgy. Taboc (Billy Quial)
Kadak-an naman han mga miyembro han SP in tinambong sugad kanda Hon. Kathlyn Jane Cainday, Hon. Zen Daza, Hon. Jay Anthony Ang, Hon. Victor Franco, Hon. Glaiza Tiu, Hon Lyra Gel Limbauan ngan Hon. Anabelle Capito, usa nga miyembro han SP han Probinsya han Eastern Samar.
Presente ngan partner han nag organisar an BANOG group, nga diin hira an nag hatag han mechanics ngan nagin judge han kompetisyon.
An napulo nga riverside barangays in nagka-urusa nga mahimugso an nasabi nga river race, ini an Barangay Alang-Alang; Barangay Taboc; Barangay D-1; Barangay D-2; Barangay B; Barangay F; Barangay H; Barangay G; Barangay E; ngan Barangay Campesao.
#FunBorongan
