Tulo ka-adlaw nga ‘Training on Multi-Species Aquaculture Technology’ gindudumara ha Legislated Provincial Hatchery, Training and Product Center, Barangay Sabang South, Borongan City, gintikangan kakulop, Hunyo 15.
Pinartisiparan ini hin mga parag-uma, para-pangisda ngan nag-iintres mahibaro ngan magnegosyo mahiunong han Bangus, Tilapia ngan Giant Freshwater Prawn (Urang) Culture.
Nagin facilitator hi Mr. Dan A. De San Miguel, Provincial Fisheries Officer, DA-BFAR, Eastern Samar Provincial Fisheries Office, kun diin hiya an nagin training facilitator mahi-unong han Bangus Culture, samtang Tilapia Culture naman an nagin topic ni Mr. Jovem O. Norcio, Agriculturist II & Station Head, Borongan Tilapia Hatchery, DA-BFAR.
Nakatalaan naman magpaangbit han iya mga nababaruan mahiunong han Giant Fresh Water Prawn (Urang) Culture hi Rony Añora, Technical Staff han Giant Freshwater, Prawn Hatchery, DA-BFAR, yana nga adlaw, Hunyo 16, para han ikaduha ka-adlaw nga training.
Sumala naman kan Mayor Jose Ivan Dayan Agda, dako an bulig han nasabi nga training ha mga nag-uugkaraw magnegosyo kun diin pwede mag-apply ha Dukwag Agrikultura nga programa, salit inayat niya an mga partisipantes ngan ginkayer nga dire gud magin matalaw ha pag-negosyo, kay dako ini nga potensyal nga negosyo ha syudad han Borongan.
Siring naman ni City Agriculturist Macario Gabornes, an mga inatinder in pwede na makapag-loan ha DA Program kahuman hini nga training, tungod nga ginhuhulat nala hira nga ma-aprubahan, kun diin kinahanglan an ma-atindiran anay an nasabi training antis ma-grant an loan han aplikante.
#DukwagAgrikultura
