Personal nga iginduhol ni Mayor Agda kaupod hira SPM Lyra Gel Limbauan, SPM Glaiza Tiu, SPM Atty. Kathlyn Cainday, ngan SPM Frich Uy, an cash reward ngadto han upat (4) nga sibilyan nga mga taga Bagong Barrio, Miyerkules, Hunyo 7.
An kada usa in kinarawat hin tag 25k pesos tikang han LGU pinaagi kan Mayor Agda. Nga diin, an cash reward nga 100k in iginpatuman para han makakapagtudlok han suspek.
“In behalf hiton syudad hit Borongan dako ak pasalamat nga naging usa nga instrumento an cash reward para magmadagmit masolbar an pagturoy han suspetsyado. Maupay it na iyo ginbuhat as citizens arrest, ipadayon la niyo it sugad hit nga panhuna-huna nga kon hin-o it nanginginahanglan hin bulig or hin-o it ginkukuri andam kamu bumulig, ayaw kamo pag hesitate pagbulig. Ngan it na cash reward gamita niyo hin maupay, ipalit niyo hin bugas ngan tagi niyo it iyu asawa. Lastly, bantayi niyo iyo mga anak. Pirmi panginanuha kon nakauli na or aada na hit panimalay,” mensahe ni Mayor Agda.
Mahinunumduman nga nahikit an ngan natudyan an patay nga lawas han bata han nakalabay nga Mayo 30, Brgy. Baras, sugad man nga diritso pinasakaan hin kaso nga Rape with Homicide ha City Prosecutor’s Office an suspetsyado han nahinabo nga krimen nga hi Albert Encinas Ohaya.
Ha pagkayana, aadto na ha kustodiya han otoridad an nasabi nga suspek.
#BoronganonDisiplinadoAko
