Nagin manilampuson nga ginbuhat an primero nga Agriculture and Fisheries Summit ha Baybay Boulevard, Borongan City, nga pinartisiparan han mga representante tikang hin magdurudilain nga sektor ha syudad sugad han parapangisda, parag-uma, processors, traders ug mga entrepreneurs, Huwebes, Hunyo 8.
Iginpahamtang naman han City Government an Dukwag Agrikultura nga programa pinaagi han City Agriculturist Office, City Veterinary Office, City Cooperative and Development Office ngan kaupod an Department of Agriculture Regional Office 8, ahensya han Department of Trade and Industry (DTI), Bureau of Fisheries and Aquatic Resources (BFAR) ngan Department of Science and Technology (DOST) Eastern Samar.
Nagpaangbit hin hibabruan maheunong han pagnegosyo hin ‘Bangus Culture in Pen, Enclosure’, an usa nga successful entrepreneur ha Tacloban City nga hi Dr. Avito H. Salinas.
Gin-aghat naman ni Mayor Jose Ivan Dayan Agda an mga partisipantes nga pagpahimumulusan an Dukwag Agrikultura nga programa urog na labi nga ha pagkayana in na-amenderan na an Implementing Rules and Regulation hine nga programa nga diin damo na nga sektor an pwede makahuram hin kapital basta Boronganon.
Nagkamayda pa hin ‘open forum’ mahi-unong han mga isyu nga inaatubang han kada sektor nga diin ira ipinaabot ngadto han mga hindadabihan nga opisina ngan ahensya nga tinambong han nasabi nga ‘summit’.
#DukwagAgrikultura
