Pormal na nga gin-abrehan an Dukwag Agri-Trade Fair ha Baybay Beach, Borongan City, yana nga adlaw, Hunyo 1, 2023.
An nasabi nga aktibidad in kaparte han pag-selebrar han 16th Charter Month Celebration han syudad nga diin pinartisiparan hin 47 nga exhibitors tikang ha Borongan Hog Raisers’ Association ngan Dukwag Agrikultura group, PWD Sector, Kakanin Makers, Women’s ngan Kababayin-an han Borongan Association ngan mga entrepreneurs nga assisted han Department of Trade and Industry (DTI) ngan Department of Agrarian Reform (DAR).
Pinasalamatan ni Mayor Dayan Agda an mga nagpartisipar nga mga exhibitors ngan parag-uma. Iya liwat iginsumat nga harani na mag-abre an kauna-unahan nga Dukwang Agrikultura Public Market ha mahimumutang ha Barangay Bugas.
Usa naman nga ayat yana ha syudad kun paano mapupuno an 500 kilos nga nakaalutaga para han aabrehan nga Cargo Office han Philippine Airlines ha Borongan Airport, diin nakikita nga solusyon hini an mag-damo pa an produkto han agri-producers ha syudad, dugang pa ni Mayor Agda.
Naghatag liwat hin hul-os nga suporta hi Gov. Ben P. Evardone, nga diin iya gintagusya an mga tawo nga napaluyo hini nga programa ni Mayor Dayan Agda, an mga empleyado ngan opisyales han LGU Borongan ug an mga economic development partners han syudad, an DTI Eastern Samar ngan DAR Provincial Office, Borongan City, Eastern Samar.
S
umala naman kan DTI Eastern Samar Provincial Director Ruthelma Samonte, nga oportunidad an sugad nga Trade Fair, nga diin magkakagawas an mga produkto ngan producers ha syudad.
Presente hira liwat hira BM Atty. Byron Suyot (representante ni Vice Governor Maricar Sison-Goteesan), VM Emman Tiu Sonco, SPM Kuya Vic “Ohoy” Franco, SPM Lyra Gel Agda Limbauan, SPM Glaiza G. Tiu, SPM FRICH Baylon D. UY, LGU department heads ngan employees.
An Dukwag Agri-Trade Fair in pagbubuhaton tinikangan yana nga adlaw, Hunyo 1 ngan mahuhuman hit Hunyo 20.
#DukwagAgrikultura #FunBorongan
