Iba-iba nga klase hin mga produkto han syudad in abilable ngan makikita ha Dukwag Agri-Trade Fair 2023, tikang yana nga Hunyo 1-20.
Makakapalit hin mag-rasa nga mga kakanin, homemade chips, chili garlic oil, peanut butter, mani, pastillas, polvoron, sandwich snacks, coconut products, ngan cacao tablea, ngadto hiton mag-upay nga handmade coco twine bags/products, crochets products, souvenirs ngan baskets.
Sugad man han mga presko nga agri-products: okra, pechay, tarong, patola, sitaw, ampalaya, mushroom, pinya, pakwan, melon, saging, pipino, root crops, itlog, frozen embutido, karne hin baboy ngan iba pa. Abilable liwat iton mga tanom o ornamental plants nga makikita liwat ha nasabi nga trade fair.
Malipayon an mga exhibitors ug an una nga mga nagin consumers, an mga city officials, department heads ngan employees, han pinaka-una nga adlaw han trade fair, nga diin ira ginhihingita nga magkamay-ada nira dako nga profit labot la han pagpakita ug pag-presentar han ira mga locally produced products.
Ha pagburublig han LGU Borongan, labi na han City Agriculturist Office, City Veterinary Office, City Cooperative Development Office, Project Management Team, DTI Eastern Samar, DAR Eastern Samar, nahi-rehistro ug natirok an 47 exhibitors/farmers nga presente ha nasabi nga trade fair.
#DukwagAgrikultura #FunBorongan
