Personal nga igintriga nira CSWD Officer Verena P. Amoyo ngan Zenaida Rapada, Senior Citizen President ngan ira mga staff an tseke nga nagkakantidad Php50,000, financial assistance tikang ha LGU Borongan ngadto kan Lolo Maximo Ladiao Barastas, ipinanganak han Marso 11, 1923, usa nga centenarian o na edad na hin 100 anyos, residente han Brgy. Can-abong.
An financial assistance nga ginhatag ha mga centenarian ha syudad han Borongan in sumala han Ordinance No. 129, Series of 2017, “An ordinance honoring and granting additional benefits to centenarian of Boronganons and for other purpose”.
Labot la han nakarawat ni Lolo Maximo ha LGU-Borongan, hiya liwat in mayda nakarawat nga tseke nakantidad liwat hin Php50,000 tikang ha Provincial Government ngan nakatalaan kumarawat hin Php100,000 tikang ha National Government pinaage han DSWD.
