Nagkamayda distribusyon hin mga libre nga eyeglasses ngadto han mga kalagsan ha syudad, yana nga adlaw, Enero 31, ginbuhat ha Multi-Purpose Bldg., Motorpool Compound, Brgy. Campesao.
Sumala kan Vergie Buna, Federated President han Senior Citizen Association ha syudad han Borongan, sobra mil (1000+) nga libre nga mga eyeglasses an matatagamtaman han mga Senior Citizen ha syudad kun diin an matatagan yana nga adlaw in an mga nagpacheck-up han nakalabay nga Octobre 21-22, 2022 han gindumara nga Oplan Eye Check-up ha city plaza.
“Kinahanglan po nam kamo, sanglit naniniguro kami nga umedad ngan humilaba pa it iyo mga kinabuhe, we will try our best nga matagan ngatanan it mga nanginginahanglan hin eyeglasses, para han iba nga nanginginahanglan nga waray kaabot, there will be definitely phase 2”, mensahe naman ni Mayor Jose Ivan Dayan Agda ngadto han mga kalagsan.
Sumala naman kan Dr. Rapada an doble vista nga eye glasses in kaulangan gamiton hin 1-2 ka bulan para maheara an mata han mga seniors, kun dire la ghap mkapag-adapt an ira mata hira in makipagsumpayan ha opisina han OSCA para mabalyuan an eyeglasses ngan umagi ngahaw hin ‘optha check’ kay mayda mga kondisyon sugad han hypertension, diabetes ngan cataract nga nagigin kawsa nga mag-iba an grado han mata.
An nasabi nga distribusyon in pinangunahan nira Zenaida Rapada, OSCA President, Verena Amoyo, CSWDO Officer ngan Dr. Katrina Carmel Velasco han RHU-Maypangdan kaupod an ira mga empleyado.
Presente liwat hi SPM Lyra Gel Agda Limbauan, nga diin usa han pirme nasuporta han mga programa parte han mga kalagsan.