Gintitikangan na an primero nga batch han pay out han Student Allowance para han mga Senior High School ngan Kolehiyo, yana nga adlaw, Enero 16.
Una nga gindumara an nasabi nga pay out ha Eastern Samar National Comprehensive High School, Saint Mary’s College, Santa Fe National High School ngan Maypangdan National High School, pinangunahan han mga empleyado han City Treasurer’s Office.
Tinambungan nira Mayor Jose Ivan Dayan Agda ngan nira VM Emmanuel Tiu Sonco, SPM Atty. Kathlyn Jane Cainday, SPM Lyra Gel Limbauan, SPM Glaiza Tiu, SPM Victor Franco, SPM Dr. Anna Katrina Sadac SPM Jay Anthony Ang ngan Legal Officer Romeo Alexis Devora.
Naghatag pa hin mensahe hi Mayor Agda ha mga estudyante nga nakakarawat han allowance.
“Ini nga programa in naka-institionalize na, bisan wara na kami ha posisyon, this program will continue, we are investing this for your future, kinahanglan mani-alo kamo hit iyo pangiskuyla, ayaw ini niyo kawanga nga investment ha iyo hit City Government,” mensahe ni Mayor Agda ha mga estudyante.
Ginpasalamatan pa ni Mayor Agda an iya konseho ha pangunguna ni VM Tiu Sonco dara han ira suporta ngan paniguro nga mahimugso an Direkta Ayuda nga programa.
Sumala han datus han City Social Welfare Development Office maabot hin 5,888 nga estudyante an makakatagamtam hine nga student allowance nga nagkakantidad hin Php 1500.00 kada estudyente, para han primero nga semester han school year 2022-2023.
Sumala pa kan VM Tiu Sonco, 50M an gin- alutaga hine nga programa salit kaulangan maniguro ngan magtikos han pangeskoyla han mga estudyante nga dire makawang ini nga investment han syudad para han mga benepisyaryo, ngan ira pa pinaniniguruhan nga dumako an revenues han syudad nga madugngan an nasabi nga allowance ha mga tipadaraon nga panahon.
#DirektaAyuda
