An City Government of Borongan in may pa-raffle para han mga karuyag mag-travel for free!
𝟭𝟬 𝗻𝗴𝗮 𝗿𝗼𝘂𝗻𝗱-𝘁𝗿𝗶𝗽 𝗮𝗶𝗿𝗹𝗶𝗻𝗲 𝘁𝗶𝗰𝗸𝗲𝘁𝘀 𝗮𝗻 𝗽𝗮-𝗽𝗿𝗲𝗺𝘆𝗼, 𝟱 𝗻𝗴𝗮 𝗕𝗼𝗿𝗼𝗻𝗴𝗮𝗻𝗼𝗻𝘀 𝗻𝗴𝗮𝗻 𝟱 𝗻𝗴𝗮 𝗘𝘀𝘁𝗲𝗵𝗮𝗻𝗼𝗻𝘀 𝗻𝗴𝗮 𝗺𝗮𝗴-𝗱𝗮𝗱𝗮𝗼𝗴 𝗶𝗻 𝗺𝗮𝗸𝗮𝗸𝗮𝘁𝗮𝗴𝗮𝗺𝗴𝗮𝗺 𝗵𝗶𝗻 𝘁𝗮𝗴-𝘂𝘀𝗮 𝗻𝗴𝗮 𝘁𝗶𝗰𝗸𝗲𝘁.
Ini nga raffle promo in para ha mga residente ha siyudad han Borongan ngan Eastern Samar, kinahanglan la niyo i-fill out an form hini nga link: https://bit.ly/3HG8ZCU
Makaka-usa la iton pag register o pag fill out hin form kada usa nga tawo o ngaran. An magdo-doble hin entry in diritso diskwalipikado. Diri na kinahanglan mag-doble hin entry samtang diri pa nag-dadaog, an iyo entry in valid ngada hiton kahuman hit bug-os nga raffle promo. An mga magdadaog in diri na pwede bumilig ngahaw samtang diri pa nahuhuman an raffle promo.
Pakibasa la hin maupay iton guidelines antis answeran an form para malikyan an diskwalipikasyon. Pwede niyo basahon an official guidlines hini nga link: https://bit.ly/3WpSH5w
An nasabi nga raffle draw in matikang yana nga Disyembre 21, 2022, Miyerkules, 4 PM, ha Borongan City Information Office, kaupod iton representante han Department of Trade and Industry (DTI) pinaagi hiton Facebook Live.
Pagbubuhaton iton raffle draw kada alas kwatro hit kulop (4 PM) Miyerkules nga adlaw hiton kada semana. Magpapadayon ngada ka Marso 22, 2023 an raffle promo.
An weekly winners in personal nga makuha o makarawat han ira premyo ngada la usa ka semana kahuman han pag anunsyo. Kinahanglan naman mag-presentar hin valid ID para han pag-claim.
#FunBorongan Travel Raffle Promo
Promo period: Dec 21, 2022 – Mar 22, 2023
