Aktibo an Taekwondo nga sport ha syudad han Borongan, nga diin nakapag-prodyus hin 6 nga varsity players ha iba-iba nga university ha Manila, hira in produkto han ESNCHS Taekwondo Club ngan Borongan City Taekwondo Club nga pinangungunahan nira coach Sherwin Ambida ngan coach Larry Dulfo.
Usa hi Tricia Laine C. Padua, 20 anyos, taga Barangay Balud 2, Taekwondo varsity player ha Far Eastern University (FEU) Manila nga may-ada kurso nga Bachelor of Arts in Political Science. Sumala kan Padua, binulig na hiya han grade 3 pala tungod nga ginpakilala ini ha iya han iya nawara nga Tatay nga komo Taekwondo player liwat.
Nakapag-uyas hiya han regional level competitions tikang pa han elementary, nakakuha hiya hin 2 gold medals ngan usa nga silver medal han EVRAA ngan nakapag uyas han national competitions han high school.
Nakasulod hi Padua han varsity pinaagi han tryouts ha FEU nga diin ginbuligan hiya han iya mga instructors nganhi ha Borongan. Labot la han paging varsity player, nakakapag-paangbit pa hiya hiton mga bag-o niya nga nahibabaru-an ha training nganhi ha mga taekwondo athletes ha Borongan kada pag-uuli niya.
Sugad liwat iton iya pag-focus ha training an iya pag-iskuyla, natatagan niya hin oras an iya pag-aram tungod nga napili hiya isakto nga skedyul para hiton iya klase nga diri ma-iigo an oras han ira pag-training.
Nagkamay-ada niya 3 nga medals yana nga kolehiyo han mag durudila-in nga kompetisyon han taekwondo, nakabulig liwat hiya han di pala maiha nga 2022 UAAP Season 85 line up.
Para han paging varsity player, hataas iton pagkulaw niya han iya mga naging coaches nganhi Borongan.
“They’re the best. Honestly, I wouldn’t be here where I am right now kun dre dara ha ira and their guidance. Sir Sherwin Ambida and Sir Larry Dulfo helped me to be a good and disciplined athlete, gin tutduan ak nira maging humble ngan maging makusog. I love how they didn’t give up on me and not just me but hit ak iba nga teammates didi ha Borongan. I think one of the reasons why it usa nga athlete nag ta-thrive is because of their trainers who believe in them, all throughout the way,” siring ni Padua.
Magtatampos hin pag-iskuyla hi Padua sugad man an iya pagtampos hit paging athlete, siring pa niya “I love every moment of being an athlete but there will be time na I’ll need to step out from the court and join the rest in the bleachers.”
Naghatag naman hin mensahe hi Padua ha iya mga igkasi-athlete ngan ha mga karuyag liwat maging varsity player sugad ha iya, “Love what you’re doing because if you don’t love what you’re doing mas kukurian kam and you would just drain yourself and you don’t want to play like you’re just doing it dara kay pag tuman la nim. You need to be passionate about your sport. And lastly, train hard. If you want to be the best, then you need to work hard for it.”
Nakatirok naman hin 19 medals hi Darrel Philip Lorico, 26 anyos, taga Barangay Campesao, usa liwat nga naging FEU Taekwondo varsity player, nga graduate han kurso nga Bachelor of Science in Hotel and Restaurant Management ha FEU Manila.
Nagtikang an interes ni Lorico han tu-ig 2007, kun diin na-impluwensyahan hiya han iya patod han pagbulig han Taekwondo nga sport, nga diritso naman hiya sinuportahan han iya kag-anak salit, elementary pala in natikangan na niya an pag-training.
Bata pala, napakita na ni Lorico an iya kusog han nasabi nga sport tungod nga nahibulig hiya diritso han semi-finals ha EVRAA tu-ig 2009 ha Tacloban, nga diin nag-daog hiya hin bronze medal. 3 medals naman an iya nakarawat han high school dida han iya pag-uyas ha EVRAA.
Padayon la han iya pagtraining ngada han na-recruit hi Lorico ha FEU Manila kaupod hi Paul Ivan Norombaba, teammate niya ha ESNCHS Taekwondo Club. Hira in dungan nga nakasulod han tryouts kaupod an ira coach nga hi Sherwin Ambida.
“An benefits nga nahatag ha akon, scholarship, allowance, libre nga equipment ngan dorm. Other than mga benefits nga gin hahatag hit university, mga nakauyas ko ha national competition mga players from UAAP and NCAA schools, Philippine Team and experiencing the highest level of competition in the country,” eksplikar ni Lorico mahi-unong han mga benepisyo nga ira nakakarawat bilang usa nga varsity player.
Dako an pasasalamat ni Lorico han iya mga coaches nganhi ha Borongan, tungod han hul-os nga pag suporta ha ira tikang han elementary ngada han ira pag kolehiyo.
“At some point hit future, I will go back and become a coach myself in Borongan,” pahayag ni Lorico. Hingyap niya nga makapag-prodyus pa hira hin mas damo nga may potensyal nga mga kabataan ug ma-ipadara ha regional, national ug bisan pa hit international competitions hiton Taekwondo.
Mensahe naman ni Lorico para han mga aspiring varsity players, “One thing nga thankful ak is waray ak pag qquit. It’s either we win or we learn, diri ngatanan nga panahon mag didinaog la kita, danay kaulangan naton mapirde para kitaon kun hain kita maluya o hain it kulang haat. In such a way, it can make us stronger and better in the future.”
Hi Paul Ivan Norombaba, graduate ha FEU ngan Taekwondo varsity player, Boronganon, kun diin sumala kan coach Ambida, hiya in usa nga UAAP medalist ngan dati nga myembro han National Team Training Pool. Medalist liwat hi Norombaba han Asia Pacific International Taekwondo Championship.
An mga masunod in mga Taekwondo varsity players han Borongan partikular han mga athlete han ESNCHS Taekwondo Club nga sports organization:
Paul Ivan Norombaba (FEU graduate)
Darrel Philip Lorico (FEU graduate)
Lovely Cindy Balmes (FEU graduate)
Glendale Ambida (PUP Varsity)
Christelle Ambida (PUP Varsity)
Tricia Laine Padua (FEU Varsity)
Ginhihingita han City Government han Borongan pinaagi han Sports Development Council nga matagan hin suporta an ngatanan nga sports organizations ngan matagan hin isakto nga hibabru-an, disiplina ug pasilidad an ngatanan nga klase hin sports org ha syudad.
#BoronganonDisiplinadoAko #FunBorongan
