Ha pagselebrar han ‘Buwan ng Kawani‘ yana nga Setyembre 2022, an Pag-IBIG on Wheels in aadi ha Borongan City Plaza yana nga adlaw, Setyembre 19, ngada buwas, para maghatag hin serbisyo diri la para han mga empleyado han gobyerno kundi para ha ngatanan nga mga Boronganon.
Pinaagi han pagbisita ha Pag-IBIG caravan, pwede kumonsulta mahiunong hit magdiru-dilain nga mga benepisyo hit pagiging miyembro hit PAG-IBIG.
Pwede gihapon mahibaruan hit usa nga miyembro an iya ‘savings’ o ‘records’ ha Pag-IBIG Fund, o mag-apply para hit Multi-Purpose Loan (MPL) o Provident Benefits Claim.
Para naman maka-kuha hin mga benepisyo sugad hit ekslusibo nga ‘discounts’ ug ‘rewards’, pwede kamo mag-apply ngan kumuha hin Pag-IBIG Loyalty Card.
Bisitaha na an Pag-Ibig on Wheels para makatagamtam han ira mga serbisyo!
