Ha paghuman an napulo ka-adlaw nga dukwag agri and trade fair, in gintagan hin pagkilala an mga top sellers, ngan pagkilala para han ngatanan nga nagpartisipar nga seller han ginbuhat nga closing program han Dominggo nga adlaw, October 02, 2022.
An napulo ka-adlaw nga dukwag agri and trade fair, in meada total cash sales nga Php 2,224,246.00, sobra han doble han ginlalauman nga cashlsales nga usa ka milyon.
Tinikangan an programa hin congratulatory message ni DTI Provincial Director Ruthelma Samonte para han mga sellers nga na-abot an target sales.
“Congratulations ha aton ngatanan kay na-hit naton an aton target sales. Gasi namon impossible gihapon pero kayang kaya pala. Mabuhay kita ngatanan!” subay kan DTI Provincial Director Samonte.
“An amon talaga hini panuyo (Dukwag Agri and Trade Fair) is to help you get institutionalized/ regular buyers para mayda niyo regular sales. Meaning, more income para ha iyo.” kadugangan pa ni Director Samonte.
Sinundan ini han paghatag hin pagkilala para han mga tinatawag sa “Top Sellers” ha duha nga kategorya; Food ngan Non-food products.
FOOD EXHIBITORS
3rd (P96,787) —Allan’s Best Food
2nd (P100,250) —Danny’s Delicacies
1st (P105,820) —Mary’s Abuyog Spesyal Tsokoleyt Moron Atbp.
NON-FOOD EXHIBITORS
3rd (P66,380) — Danica’s Bamboo Product
2nd (P67,080) —Crochet Factor-y
1st (P82, 070) —For U Leather Products
Nagpa-abot naman an mga seller participants hin magdurudila-in nga pasasalamat para han higayon nga makapagbalidya han napulo ka adlaw nga dukwag agri trade and fair.
“As the youngest entrepreneurs hini nga trade fair, first time namon umapi hin sugad hini, asya dako nga salamat ha DTI ngan LGU Borongan ngan han amon co-exhibitors han guidance ngan maupay nga pakikisama ha amon all throughout the 10-day trade fair” subay kan Edgardo Bianes ngan Jhun Lloyd Rapada han E-J’s Original Kangkong Chips.
“Damo nga salamat hini nga higayon nga nakapag-display kami han amon mga baligya. LGU Borongan, salamat. Padayon la kita pagpakabuhi labi na yana nga natikakuri it kinabuhi.” pasasalamat ni Anadel Sual representante han Women’s Associations of Borongan City.
Ha paghuman han programa, in nagpa-abot hin mensahe an special operations officer nga he Cynthia Arceño nga representante ni Ruperto Ambil, II para han aton mga mga entrepreneur nga nagpartisipar.
“Hi kamo nga mga entreprenuers an magiging ihemplo o susbaranan hiton mga makita ha iyo nga mag-nenegosyo, magpapakabuhi, nga maging entrepreneur liwat. Looking forward nga kitaon ngahaw namon kamo hit masunod pa nga trade fair activities dinhi ha City. Congratulations ha iyo ngatanan.” subay kan Cynthia Arceño.
#FunBorongan
