Dara han mga social services nga padayon nga natatagamtaman han mga Boronganon sugad han Libre Medisina, Free Medical Consultation, ngan an Monthly Monetary Allowance para han mga Senior Citizens, ngan an harani na matagamataman nga Libre Sakay Program, in napili an syudad han National Commission for Senior Citizens o NCSC para maging Pilot Area han Age Friendly City.
An prayoridad han Age Friendly Cities or Communities in an paghimo hin komunidad nga harayo ha kasamukan para han mga kalagsan o senior citizens, ngan pagbulig nga ma-enjoy it maupay o healthy nga panlawas ngan aktibo liwat han mga aktibidades ha komunidad.
Gindumara an “Orientation on Age Friendly Program” pina-agi han chairman han NCSC nga he Atty. Franklin Quijano kaupod an mga representante han NCSC nga hera,Commissioner Reymar Mansilungan, Commissioner Rainier Cruz, Commissioner Enriquita Rodeles, ngan an coordinator han Healthy Aging Gender Equality and Human Rights nga tikang ha World Health Organization (WHO) hi Ms. April Joy David. Ginbuhat ini yana nga adlaw, Hulyo 14, ha Sangguniang Panlalawigan Session Hall.
Sumala kan Ms. David, an Borongan City an magiging model city para han iba-iba nga syudad o LGUs nga karuyag liwat mag-implementar han Age Friendly Program “…we will develop a toolkit of Borongan as an Age Friendly Champion Site. The toolkit will elaborate how you implement the programs for others to share and for them to learn if they want [an] Age Friendly (community) in their LGU’s. They will just look how the Borongan did it and at the same time, we will also expand kasi baka may other services pa na we can offer sa mga ongoing initiatives [na] meron na ang city”.
Iginpa-abot naman ni Atty. Celestino Cabato, representante ni Mayor Jose Dayan Agda an pasasalamat han pagkapili han Borongan City nga pilot area o model city. Ini in higayon nga magkamay-ada dungog han syudad urog na labi kay para han kaupayan han mga kalagsan. Sinigurado an hul-os nga pagsuporta han syudad kun ano man nga mga programa nga maupay ngan ika-uupay nira, kay tuo pa niya, “We must do everything for our senior parents because without them we are not here in this community or this space.”
Inatenderan pa an nasabi nga katitirok ni SPM Melcho Arago, Verena P. Amoyo CSWD Officer, Virginia Buna, Pres. Federation of Senior Citizen Association of Borongan, mga pili nga Presidente han Senior Citizens han kada barangay, mga representante han mga opisina han LGU.
Para ha mga klaripikasyon para han ngatanan nga benipisyo para han aton mga senior citizens, pwede duokan an mga barangay senior citizen presidents han iyo tagsa-tagsa nga barangay.
#BoronganonDisiplinadoAko
